Ամեն տարի «Դասավանդի՛ր հանուն Հայաստանի»-ն ներգրավում է առաքելությանը համահունչ և արժեքներով առաջնորդվող անհատների՝ Ուսուցիչ-առաջնորդ դառնալու կազմակերպության երկամյա առաջատար Ազգային առաջնորդության ծրագրի միջոցով (Ծրագիր)։ Մեր Ուսուցիչ-առաջնորդներն անցնում են ինտենսիվ շարունակական զարգացում՝ դասավանդելով Հայաստանի (մինչև 2023 թվականը Լեռնային Ղարաբաղի՝ Արցախի) այն համայնքներում, որտեղ նրանց կարիքն ամենամեծն է։ Ծրագիրը հաջողությամբ ավարտելուց հետո մեր շրջանավարտները հնարավորություն են ստանում ծառայելու որպես մեր առաքելության «Դեսպաններ»։ Որպես «Շրջանավարտ-դեսպաններ»՝ նրանք շարունակում են առաջ մղել մեր առաքելությունը՝ ընտրելով առաջնորդության տարբեր ուղիներ։
«2017 թվականին, երբ պաշտոնապես դարձա «Դասավանդի՛ր հանուն Հայաստանի»-ի կրթական հավասարության Շրջանավարտ-դեսպան, լավ գիտակցում էի, որ պետք է այս կոչումը կրեմ պատվով և մեծ պատասխանատվությամբ՝ դառնալով այն կրթության ջատագովի օրինակ, որը ցանկանում ենք ունենալ Հայաստանի մեր բոլոր երեխաների համար։ Բայց չէի պատկերացնում, թե ինչ անձնական ու մասնագիտական աճ կտա այն ինձ։ Այժմ, անդրադառնալով այս տարիների ձեռքբերումներիս, վստահորեն ասում եմ, որ իմ քրտնաջան աշխատանքի և հաստատակամության հետ մեկտեղ՝ ունեցածս գիտելիքները, կարողություններն ու հնարավորությունները նաև «Դասավանդի՛ր հանուն Հայաստանի»-ի Շրջանավարտ-դեսպան լինելուն եմ պարտական»։
«Վերջին տարիներին «Դասավանդի՛ր հանուն Հայաստանի»-ի միջոցով տարբեր ձևերով շարունակում եմ նպաստել Հայաստանի և Արցախի բոլոր երեխաների համար կրթական հավասար հնարավորությունների ստեղծմանը։ Որպես Հանրային գործընկերությունների թիմի աշխատակից՝ հետաքրքիր փորձառություն ունեցա պետական ու ոչ պետական կառույցների և ոլորտի գործընկերների հետ աշխատելիս՝ զարգացնելով հմտություններս ու ամենօրյա աշխատանքով դրական փոփոխություններ բերելով Հայաստանի և Արցախի համայնքներում ապրող աշակերտների կյանք։ Որպես Շրջանավարտ-դեսպան՝ իմ առաքելությունն եմ համարում ամբողջ ներուժս ուղղել հայրենիքի կերտմանը, որի հիմքում օրինապահ, կրթված և պատասխանատու քաղաքացին է»։
01
2020 թվականին մեկնարկած Սերունդ ծրագիրը դպրոցների փոխակերպման նախաձեռնություն է, որը նաև նպատակ ունի ձևավորել ապագա դպրոցական առաջնորդների ներուժ։ Ծրագրի միջոցով Շրջանավարտ-դեսպաններն անցնում են խորացված վերապատրաստում ուսումնական առաջնորդության և դպրոցի կառավարման ոլորտներում։
02
ՀԿՆ-ն զգալի ներդրումներ է կատարել իր տվյալների կառավարման ներքին համակարգերի ամրապնդման մեջ։ Այժմ պատրաստ ենք անցնել հաջորդ մակարդակին՝ մեր Հանրային քաղաքականության լաբորատորիայի միջոցով, որտեղ Շրջանավարտ-դեսպաններին կսովորեցնենք մշակել կառավարության կողմից ընդունման ենթակա քաղաքականություններ։
03
2019 թվականին մեկնարկած Կայծը Հայաստանի առաջին սոցիալական նորարարության ինկուբատորն է՝ նվիրված կրթությանը։ Ծրագրի միջոցով մասնակիցները ստանում են ուսուցում, աջակցություն և ռեսուրսներ՝ սեփական սոցիալական ձեռնարկները հիմնելու համար։
Ազգային առաջնորդության ծրագիրն ավարտելով՝ նրանք այժմ կազմում են շուրջ 500 Շրջանավարտ-դեսպանների ցանց։ Նրանց ավելի քան 70%-ը մնում է կրթության ոլորտում՝ առաջընթաց ապահովելով դասարանում ու դասարանից դուրս։ Այսօր ավելի քան 60%-ը ներգրավված է առաջնորդության, քաղաքականության և նորարարության տեղական ու միջազգային նախաձեռնություններում։
««Դասավանդի՛ր հանուն Հայաստանի»-ն ինձ անմոռանալի փորձառություն տվեց, որը ձևավորեց անձնական և մասնագիտական աճս։ Այն ինձ ուժ տվեց հիմնելու Green Construction կայուն կանաչապատման ընկերությունը, որի առաջին հաճախորդներից մեկն էլ «Դասավանդի՛ր հանուն Հայաստանի»-ն էր»։
«Կողեսում ապրելն ու դասավանդելն ինձ ցույց տվեցին գյուղական Հայաստանի ուժը։ «Դասավանդի՛ր հանուն Հայաստանի»-ի Սոցիալական նորարարության ինկուբատորի միջոցով հիմնեցի Զարդենին՝ աշակերտներին հնարավորություն տալով աճեցնել ուտելի ծաղիկներ և իրենց համայնքների համար եկամտի նոր աղբյուրներ ստեղծել»։
«Կրթամասնագիտական և աշխատակիցների ծրագիրն ինձ տվեց կրթությունը տվյալահեն ազդեցության հետ համադրելու գործիքներ։ «Դասավանդի՛ր հանուն Հայաստանի»-ի տվյալների համակարգերից օգտվելիս ձեռք բերեցի անգնահատելի հմտություններ։ Սա փոխշահավետ էր թե՛ իմ աճի, թե՛ կազմակերպության առաքելության համար»։
««Դասավանդի՛ր հանուն Հայաստանի»-ի հետ անցկացրած երկու տարիները կարիերայիս մեկնարկային հարթակը դարձան՝ օգնելով զարգացնել առաջնորդության, թիմային աշխատանքի և նախագծերի կառավարման հմտություններ։ Այսօր, ոգեշնչված այդ փորձառությամբ, որպես դպրոցի տնօրեն եմ շարունակում առաջնորդել կրթական փոխակերպումը»։
««Դասավանդի՛ր հանուն Հայաստանի»-ն ապացուցեց, որ տևական փոփոխությունը սկսվում է հաստատակամությունից և տեսլականից։ Այդ ժամանակից ի վեր աջակցել եմ ուսուցիչների զարգացման ազգային քաղաքականությունների ձևավորմանը և այժմ աշխատում եմ կրթական համակարգերն ամրապնդելու ուղղությամբ՝ նորարարության ու համայնքային մասնակցության միջոցով»։
«Դասավանդի՛ր հանուն Հայաստանի»-ի Ուսուցիչ-առաջնորդների «Առաջին սերունդն» իր ուղին սկսել է 2015 թվականին։ Այդ ժամանակից ի վեր Ուսուցիչ-առաջնորդների բազմաթիվ սերունդներ միացել են շրջանավարտների շարժմանը։
«Դասավանդի՛ր հանուն Հայաստանի»-ի Ծրագիրն ավարտած անձանց ամբողջական ցանկի համար՝
